کُٹے سمندر دُنکہ قطرہ ٹی – فریدہ بلوچ

ہیت ءِ کپہ مرگ انا داڑے
مرگ ءِ داڑے ہر دم اوغوک

ماتم زند ءِ ہر دے داڑے
ہر ساعت تینٹ دتر شولوک

خِسکہ ہیڑ تا کپ کے اُست ءِ
دیر ءِ سما ءِ دیر اس مُست ءِ

کیدنگ خڑینک ءِ قسمت داڑے،
ہر خڑینک ءِ دتر اٹ سِلّوک

لمہ اوغک ہڑدے داڑے
درگہ غا اُریک اڑدے داڑے

کُٹے سمندر دُنکہ قطرہ ٹی
ہر خن داڑے اندُن باروک

خیسُن ءِ چیدہ تینا کسر نا
گوہانے کس اس ٹُکر جغر نا

پَٹو دیر اس ٹُکتّے جغر نا
تینٹ تینے داڑے گوہوک

 فریدہ بلوچ