اسرائیلی سر وزیر پارینے کہ سفارتی سیالی تیکن بھاز آ عرب ریاست آتون ہیت و گپ برجاء ءِ۔
نیتن یاہو یکشنمبے نا دے تینا اسے بیان اسیٹی پارینے کہ عرب و مسلمان ملک آتا حکمران آتون بھاز اوڑدھی مسونے یا تو مننگے ہرافتا شابیتی اٹ حوال دائسکان مون آ اتننگ تنے۔
یاتی مرے کہ امریکا نا ثالثی ٹی سینزدہ اگست آ اسے معائدہ اسینا ردئٹ متحدہ عرب امارات و اسرائیل نا تین پہ تین سفارتی تعلقات نا موکل تننگا۔ 29 آگست آ متحدہ عرب امارات نا کماش (صدر) خلیفہ بن زید النہیان صدراتی موکل ترسٹ اسرائیل آ خلوک آ سفارتی تعلقات آتے ایسر کرے۔
دا فیصلہ آن گڈ ہڑتوم آ ملک آتا میان ٹی سفارتی، تجارتی و پین کئی شعبہ غاتیٹی معاہدہ غاک بحال مسر۔
مصر، اردن آن پد متحدہ عرب امارات مسٹمیکو ہمو عرب ملک ءِ ہرا اسرائیل تون تعلقات آتے بحال کرینے۔