نوشکی و قلات ئٹ پاکستانی لشکر آ جلہو تا ذمہ واری ءِ ارفینہ – بی ایل اے

بلوچ لبریشن آرمی نا ترجمان جیئند بلوچ میڈیا ٹی شینک کروک بیان اسیٹ پارینے کہ بی ایل اے نا سرمچار آک نوشکی و قلات ئٹ اِراجتا جلہو تیٹ کوزہ گیر پاکستانی لشکر ءِ ٹک کریر ہرافتیٹ اسہ دژمن کارندہ اس مرگ ئنا گواچی و چار ٹپی مسر۔

او پارے کہ بی ایل اے نا سرمچار آک استو نوشکی نا علاقہ کیشنگی ٹی بلغانی نا ہند آ ٹہیفوک کوزہ گیر پاکستانی لشکر نا پوسٹئسے جلہو ئٹ ٹک کریر، سرمچار آک دژمن نا پوسٹ آ گرنیڈ لانچر ئٹ کیہی گولہ تے خلکر و بھلا سلہہ تے کاریم ئٹ ایسر۔

جیئند بلوچ نا رد ئٹ جلہو نا سوب اسہ دژمن کارندہ اس جاگہ غا مرگ ئنا گواچی مس و کم آن کم مُسہ کارندہ ٹپی مسر اندن جلہو ئٹکوزہ گیر لشکر نا پوسٹ ءِ ہم بھاز نسخان رسینگا۔

ترجمان پین پارے کہ بی ایل اے نا سرمچار آک قلات نا علاقہ منگچر ئٹ کوزہ گیر پاکستانی لشکر نا بنجاہی کیمپ ئنا رکھوک چوکی ءِچغلی بمب جلہو ئٹ ٹک کریر، ہرانا سوب چوکی ٹی ساڑی اسہ کارندہ اس بھاز ٹپی مس۔

جیئند بلوچ نا پین پاننگ ئس کہ بلوچ لبریشن آرمی پن کروک جلہو تا ذمہ واری ءِ ارفک۔ آزات وطن نا دوئی کننگ اسکان ننا کاروائیکبرجاء مرور۔