نوشکی: شاعر و نوشتکار کفایت کرار نا سال دے نا رد ئٹ ادبی مجلس

الّمی خوانبو

نوشکی پریس کلب ئٹ زند اکیڈمی نوشکی نا سروکی ٹی و اوتان کلچر اکیڈمی و پریس کلب نوشکی نا کمک ئٹ اینو بلوچی و براہوئیبولی نا شاعر و نوشتکار کفایت کرار نا نوزدہمیکو سال دے نا ردئٹ اسہ ادبی مجلس اس ہڈ تننگا۔ ہرا نا سروکی ءِ مسکوہی ڈسٹرکٹایجوکیشن آفیسر جمیل احمد مینگل کرے و مجلس نا مہمان خاص اوتان کلچر اکیڈمی نا کماش 16 کتاب نا نوشتکار و پِنی آ ادیبغمخوار حیات ئس۔ اندن مجلس ئٹ جتاء فکر ئنا بندغ آک ساڑی ئسر۔

مجلس نا بناء ءِ اوتان کلچر اکیڈمی نا سینئر باسک ظہور زیب تلاوت کلام پاک ئٹ کرے و مجلس ئٹ ساڑی مروک آتے بخیرٹ پارے۔ داوخت آ مجلس نا سروک جمیل احمد مینگل، پنی آ نوشتکار، صحافی و زند اکیڈمی نا سروک یار جان بادینی، پنی آ نوشتکار ڈاکٹر عالمعجیب، پروفیسر غلام دستگیر صابر، غمخوار حیات، پروفیسر عزیز آسکو جمالدینی، راسکوہ ادبی دیوان نا مسکوہی کماش و پنی آنوشتکار وحید عامر بلوچ، نیشنل پارٹی نا بنجاہی راہشون نذیر بلوچ، نوشکی پریس کلب نا کماش حاجی محمد طعیب یلانزئی، پنی آنوشتکار خواجہ لطیف الملک بادینی و ایلوفک تران کریر۔

مجلس ئٹ تران کریسہ ماہتاک بلوچی زند نا ایڈیٹر یار جان بادینی پارے کہ کفایت کرار اسہ شاعر ئسے تون اوار اسہ نوشتکار،سیاستدان و چاگڑدی باسک اس ئس۔ او نوشکی ئٹ نہ بیرہ راسکوہ ادبی دیوان نا بنماس ءِ تخا بلکن او سپارک پبلک اسکول ءِ ہمٹہیفے تانکہ نوشکی و ایب کیب ئٹ علم و ادب تالان مرے۔ مسکوہی ڈسٹرکٹ ایجوکیشن آفیسر جمیل احمد مینگل تعزیتی ریفرنس ئٹتران کریسہ پارے کہ کفایت کرار اسہ ذہین ءُ خوانندہ اس ئس او خواننگ تون بھاز اُست خواہی تخاکہ۔ خواننگ تون اوار او چاگڑدیباسک اس ہم ئس۔

غمخوار حیات تران کریسہ پارے کہ کفایت کرار اسہ بے مٹ ءُ شخصیت ئسے نا خواجہ و اسہ عظیم ءُ بندغ ئسے تون اوار اسہ مفکراس ہم ئس۔ او بلوچی و براہوئی بولی نا دیمروی و تالانی کن بھاز کاریم کرے ہرافتا برم آک اینو ننے جتاء ادبی گل، نوشتکار و لائبریریتا دروشم ئٹ نظر بریرہ دافتا بنماس ءِ کفایت کرار تخاسس۔ ورناک کفایت کرار نا فکر ءِ تینا کریسہ کتاب آتے خوانر۔ او زند اکیڈمینوشکی نا منتواری کریسہ پارے کہ زند اکیڈمی و یار جان بادینی نا بولی، ادب و کتابی دود ئنا تالانی ئٹ بھلو کڑد اس مسونے۔ زنداکیڈمی کنا کفایت کرار نا فن و شخصیت نا بابت شون تروک کتابکرار کڑد و گُشادءِ شینک کرے ہرا کنکن فخر نا ہیت ئسے۔ کفایتکرار ننا علمی، ادبی و شعوری راہشون ئس۔ دا شون تروک کتاب ئٹ ننا خوانوک آتے کفایت کرار نا بابت خواننگ کن اوار ءُ نوشترسینگو ہراڑان ننا خوانندہ و اسکالر تے کفایت کرار نا علمی، ادبی، فنی و تخلیقی بابت معلومداری و چاہنداری رسینگو۔

پروفیسر غلام دستگیر صابر تران کریسہ پارے کہ کفایت کرار اسہ اندنو بندغ اس ئس ہرا زند ئٹ بھاز خذمت سر تس، راسکوہ ادبیدیوان تون اوار سپارک پبلک اسکول اونا دو تا نشانی ءُ۔ کفایت کرار نا کسر آ ہننگ سخت الم ارے ولے ناممکن اف۔ مجلس نا ایسر ئٹغمخوار حیات نا کفایت کرار نا بابت کتابکرار کڑد و گُشادنا مون پاشی مس۔

پُوسکنا حوالک

بلوچ راجی مچی نا بشخ مرِسہ جہان ءِ نشان ایتبو کہ نن زندہ و شرفدار ءُ راج ئسے اُن۔ ماہ رنگ بلوچ

بلوچ راج 28 جولائی نا دے گوادر ئٹ سرمریر و جہان ئے کلہو ایتر کہ نن زندہ و خوددار...