اوغانستان نا بھلا سفارتی سرسہبی تیان اسٹ متحدہ عرب امارات ئٹی اوفتا سفیر ءِ امنا کننگ ارے۔
کابل نا وزارت خارجہ ہم تینا اسہ پوسٹ ئسیٹی بدرالدین حقانی نا یو اے ای ٹی سفیر گچین مننگ نا پک کرے۔
بدرالدین حقانی نا تعلقداری ساڑی آ وزیر داخلہ سراج الدین حقانی آن اف، ہرا تدوکا جون ئٹی متحدہ عرب امارات نا سروک شیخ محمد بن زید النہیان تون اوڑدئی کریسس۔ واہم حوال تا رد ئٹ اونا تعلقداری ہمو ٹولی آن ءِ۔
طالبان کوالخواک تدوکا دسمبر ئٹی بیجنگ آ تینا اولیکو سفیر ءِ راہی کریسر، اوکان پد سفارتی تلہ غا دا طالبان نا اہم پیش رفت ءِ۔
کابل ئٹ طالبان نا وزارت خارجہ سوشل میڈیا پلیٹ فارم ایکس آ تینا اسہ پوسٹ ئسے ٹی بدرالدین حقانی نا سفیر گچین مننگ نا بارو ئٹ جبر ءِ پک کرے ولے دا بارو ئٹ زیات معلومداری تتو۔