حوال تا رد ئٹ مچھ ئنا بازار ٹی دزی نا تدینی، دزآک تیوہ آ موبائل دکان تا شٹر ءِ پرغسہ ہزار آ رپئی تا موبائل کارڈ و زر آتے ارفیسہ نرانو۔
مچھ بازار ٹی محمد حسن مینگل نا دکان نا شٹر ءِ پنج شمبے و جمعہ نا شام دز آک پرغسہ موبائل کارڈ و زر آتے دزیسہ نرار، مچھ پولیس کاروائی بناء کرینے، محمد حسن مینگل پارے کہ جمعہ نا صوب 9 بجہ نا خڑک تینا دکان آ بس ارا کہ دکان نا شٹر پرغینگانے۔
ہراڑا دمدستی وڑ ئٹ پولیس ءِ حوال تننگا ہرا ہند آ سر مریسہ نسخان چمشانک الک گڑا سما تما کہ ہزار آ رپئی تا موبائل فون کارڈ و زر آک گم ئسر، پولیسں آن رسینگوک حوال تا رد ئٹ پولیس دزی نا تدینی تا رد ئٹ جتا بندغ آتے دزگیر کرینے، ہرافتیان سر و سوج کننگ ءِ۔