کاغذی پُھل آک – عتیق آسکوہ بلوچ

 

ہر ہمو جُہد دیہاڑ اٹ جاگہ خَنک ہرا جہد شعوری و فکری پڑا مرے ……

 

نوشتہ کننگ ہم اسہ شعوری جہداسے کہ داٹی نا نیت و ارادہ تینا راج ئے شعوری پڑا ہتنگ و علمی، فکری، راجی، ربیدگی، نفسیاتی، سیاسی سرپدی تننگ نائے…

 

کنے ہر اسہ جہد کار دوست بریک دا خاطر کہ جہد کار تینا ذات آن پیشن تینے ونڈ کیک بشخک تینے راج اَٹ تینا مخلوق ٹی تالان کیک و بازا جہد کارک دُن ہم مسنو ہرافتا شعوری فکری جہد اوفتے اونا جندنا راج آن پیشن ایلو راج آتون ولدا جہانی پڑا درستی راستی کرفسہ اونا کڑد وگُشادے جہد اسے نا چیدہ کرینے داڑکن پاش انگا مثال ” چی گویرا” ((Ernesto Guevara نائے کہ اونا جہد ہرا ڈول اینو اسکان سلہہ بند جنگ نا پڑا پن اسے کڑد اسے ولے دا ہم ہُرنگ ارے کہ باز خوانندہ و بندغ ئس اس کہ اونا جند نا ذاتی کتاب جاہ ٹی مُسہ ہزار آن زیات کتاب اس۔ پاننگ نامسخت دادے کہ ہراسہ جہد کاراس اسہ کارندہ اس اسہ سیاستکارئس ہمو تم سرسوبی خنک کہ اوتینا جہدے علمی وشعوری حوالہ تون سرپدمرے و شعور تون ہمگرنچ مرے۔