تیوہ آ پاکستان ئٹ اسہ وار واپس امریکی ڈالر نا نرخ ئٹی ودکی مسونے، امریکی کرنسی 158 رپئی کچ آن ایمون مسونے۔
سٹیٹ بینک آف پاکستان نا راجی حوالکاری ویب سائٹ ٹویٹر آ شینک کروکا حساب نا رد ئٹ تدوکا ہفتہ نا اولیکوکاروباری دے ئنا وخت آ انٹر بینک ٹی رپئی نا مقابلہ ٹی امریکی ڈالر پین31 پیسہ کبین مس و نرخ 157 رپئی87 پیسہ آن ودیسہ 158 رپئی 18 پیسہ مسونے۔
ایلو کنڈان سٹاک مارکیٹ ٹی ہم 257.06 پوائنٹس نا شیفی ریکارڈ کننگا ہراڑان گڈ انڈیکس 47429.12 پوائنٹس نا تلہ آ سر مریسہ بند مس۔
تدوکا ہفتہ نا چا اول اول کاروباری دے نا نیام ئٹی کاروبار ٹی 0.54 فیصد نا شیف بڑزی خننگا ا ندن 20 کروڑ 18 لکھ 23 ہزار 210 شیئرز نا ہل تس مس ہرانا سوب آن سرمایہ کار آتے 35 ارب رپئی نا خڑک نسخان ءِ سگوئی تما۔