منیر مومن نا بلوچی نظم ئسینا براہوئی مَٹ
اینو پگہ نی اَندون مُر ہنانس
کہ استاراک کنے آن خُڑک بننگ او
دا دنیا۔۔۔۔۔
ہزار وار
نا نِشہ ءُ بشخندہ غاتے
کن کین وارس پھل، وارس روشنائی اَس
و وارس ساز ئسیٹی بدل کرینے
اندا دنیا
نا مُری آن جنگ ئس ڈُک تِسونے
و کنا خنتا نیام ئٹی تخانے
دا جنگ ڈِیریفنگ مفک
و نئے کہ ٹیکی کننگ مَریک
بیرہ دا جنگ آن نرینگ مَریک
داسکان کس
تینا پیشانی آن نَرینگ ئٹی سوب خنتنے
اینو شام ئنا اِی استار آتے سئی کیوا
کہ نی
پَری تا جوڑتیا لچوکو شعر ءُ باگل اَسیوس
و اِی نے تینا خنتا نیام ئٹی
نوشتہ کننگ خُواوا
نعیم
دی بلوچستان پوسٹ : دا نوشت اٹ ساڑی ہیت و خیال آک نوشتوک نا جند ئنا ءُ، دی بلوچستان پوسٹ میڈیا نیٹ ورک نا دا ہیت آتے مَننگ الّمی اَف و نئے کن دا ادارہ نا پالیسی تا درشانی ءِ کیک۔