حوال تا رد ئٹ کے ای کے نا بیٹ زر آتا تفرنگ آ پی ایچ ای نا جملہ واٹر بور نا بجلی نا کنکشنز آک بند کننگار، شار و ایب کیب ٹی کنوک آ دیر ناپید مس۔
بیلا ٹی پبلک ہیلتھ انجینئرنگ نا پانچ واٹر بور بجلی نا کنکشنز بند کننگ آن گڈ تدوکا بھاز دے تیان بند ءُ۔ بجلی نا کنکشنز بند مننگ نا سوب آن بیلا شار و ایب کیب ئٹ دیر ئنا بھاز نیستی ودی مسونے، مخلوق دیر ئنا نیستی نا سوب آن سختی و پریشانی تا گواچی ءِ۔ آن لائن آن رسینگوک حوال تا رد ئٹ محکمہ پبلک ہیلتھ انجینئرنگ کراچی الیکٹرک نا وامدار ءِ۔
گیشتر حوال تا رد ئٹ بجلی نا بل زر آتا تفرنگ نا سوب آن بیلا تون اوار تیوہ آ لسبیلہ ٹی پی ایچ ای نا واٹر سپلائی بور نا بجلی بند کننگانے، مخلوق بیلا و تیوہ آ لسبیلہ ٹی کنوک آ دیر ئنا نیستی ءِ مُر کننگ و مخلوق نا سختی تے ایسر کننگ نا خواست کرینے ۔