بلوچستان نا علاقہ کوئٹہ، خضدار ئٹ جتا تدینی تیٹ اسہ بندغ اس مرگ نا گوچی و اسٹ ٹپی مسونے۔
حوال تا رد ئٹ خضدار آن رتوڈیر و بھلا روڈ آ سورگز خضدار نا ہند آ ککڑ آن لوڈ ترند ہنوک شہزور گاڑی موٹر سائیکل سوار ءِ بچیفسہ کلٹی مس۔
گیشتر حوال تا رد ئٹ ڈریور ٹپی مسونے و گاڑی ٹی لکھ آ رپئی تا ککڑ آک گاڑی نا کیرغ آن بریسہ کسکر داسکان جانی نسخان نا حوال رسینگتے، ہندی بند و بست ویل ئنا رد ئٹ سر و سوج کننگ ءِ۔
اندن پین حوال ئسے نا رد ئٹ کوئٹہ ٹی جنگ ئنا نیام ئٹی چاکو خلینگ نا سوب آن اسہ بندغ اس مرگ نا گواچی مسونے۔
پولیسں نا رد ئٹ کوئٹہ آن خرک کچلاک ٹی جنگ ئٹی چاکو نا خلینگ آن نور محمد پنی ءُ بندغ اس مرگ نا گواچی مسونے۔
پولیس جون ءِ دوٹی ہلیسہ ہسپتال آ سر کرینے، ہراڑے المی کاروائی آن گڈ جون خاہوت نا دو ٹی تننگانے پین کاروائی برجاہ ءِ۔