دے ٹکی ایران نا ساحلی شار بندر عباس ئٹ 6.5 ترندی نا زمین جمب ئس بسونے۔
یورپی میڈیٹیرینین سیسمولوجیکل سنٹر (ای ایم ایس ای ) پارے کہ یک شنبے نا دے 12 بجہ غا دا زمین جمب بس ہرانا ترندی ریکٹر سکیل آ 6.5 ئس۔
زمین جمب نا ترندی انداخس زیات اس کہ متحدہ عرب امارات و سعودی عرب ئٹ چنکو چنڈی نا درک مس۔
اسہ ہندی کوالخوا اس سرکاری ٹی وی ءِ پارے کہ زمین جمب ئنا چنڈیک جہندمی ایران نا صوبہ ھرمزگان ئٹ درک کننگار۔
او پین پارے کہ کمکی ٹیم آک مون تننگانو۔
تدینی آن گڈ اسہ ہم جانی یا مالی ءُ نسخان نا حوال اس بتنے۔
ای ایم ایس ای و ایران نا سرکاری ٹی وی پارے کہ زمین جمب نا کڑمبی 10 کلومیٹر اس۔