حوال تا رد ئٹ ڈپٹی کمشنر گوادر نا حق ایتبو تحریک نا سر کماش مولانا ہدایت الرحمن تون تولوک برانز نا ہند آ حال احوالی اوڑدئی،ضلع گوادر ٹی جوانی کن کاریم کرون کوشست مرو کہ اسہ شاری اس ہم ضلعی بند و بست نا سوب آن پریشانی تا گواچی مف، ڈی سی آفس ہر شاری کن ملوک ءُ ہر اسٹ ءِ، بنور ڈپٹی کمشنر لس مخلوق نا نمائندہ ءِ۔
او پارے شاری و شرفدار تا نسخان تا ایسری آن کاریم ءِِ بناء کرون، ضلعی بند و بست گوادر ویل تا ایسری کن پورو کوشست کرو، برانز آ تولوک آتا خواست آتے صوبائی تلہ آ کاریم برجاہ مرو۔ ضلع گوادر نا مخلوق ءِ زوت جوانو حوال ریسنگو۔
مولانا ہدایت الرحمان دا وخت آ پارے کہ خوشی مس کہ ضلع نا سر کماش تیوہ آتیان برانز ٹی تولوک مخلوق تو اوڑدئی کننگ کن بس، اومیت تخون کہ ڈی سی آفس ٹی لس بندغ ءِ ہم ایم پی اے نا کچ بنور، ڈپٹی کمشنر آفس عوامی آفس ٹی بدلی مرو گڑا مخلوک نا مسائل آک آیسر مرور، ننے ماڑیک آتیان زیات بندغ آتے اہمیت تروئی مرو گڑا ویل آک ایسری نا پارہ غا ہنور، جوان انگا کاریم آتے سفت کرون ہرا کاریمک مخلوق نا مفاد نا بر خلاف مرو ٹک کرون۔