حوال تا رد ئٹ کوئٹہ ٹی ورنا ڈاکٹر آک ایمرجنسی سروسز آن بائیکاٹ نا فیصلہ پد شاغار، کوئٹہ ٹی ورنا ڈاکٹر تا اوپی ڈیز و آپریشن تھیٹر سروسز نا بائیکاٹ ءِ 32 دے مس، ورنا ڈاکٹرز تا بائیکاٹ سنگت آتا دزگیری نا بر خلاف ءِ، اندن ورنا ڈاکٹر تا برانز ءِ پرامیڈیکس و ینگ نرس تا ہم امنائی دوئی ءِ، ینگ ڈاکٹر آک سنگت آتا تینا یلہ کننگ کن سخت برانز نا پڑو کرینو و پارینو کہ عوامی مفاد آتے اریسہ ایمرجنسی سروسز آن بائیکاٹ نا فیصلہ ءِ پد شاغینا۔
اوفک پاریر ایمرجنسی سروس بند مننگ آن بندغ ساہ تا نسخان نا ذمہ وار بلوچستان نا حکومت مرو، یاتی مرے ینگ ڈاکٹر آک سنگت آتا دزگیری نا بر خلاف بلوچستان نا حکومت ءِ ایمرجنسی سروس بند کننگ کن الٹی یٹم تریسہ پاریر کہ اگہ ننا سنگ آتے کتوس گڑا 48 گھنٹہ آن گڈ ایمر جنسی سروسز بند مننگ آن بندغی ساہ تے نسخانی نا ذمہ واری بلوچستان نا حکومت مرو۔
یاتی مرے تدوکا دے ورنا ڈاکٹر تا بائیکاٹ آ برانز کریسہ شاریک پاریسر کہ ڈاکٹر آک سرکاری اسپتال آتیٹ ہڑتال کننگ ءُ اندن پرائیویٹ آتیٹ ڈیوٹی تننگ ءُ، او پاریر لس مخلوق نا احساس اف، اوفتا بائیکاٹ آن غریب مخلوق سختی تا گواچی مننگ ءِ، ڈاکٹر آک تینا فائدہ کن لس مخلوق نا استعصال ءِ بند کیر۔