بلوچستان نا دارالحکومت کوئٹہ ٹی یخ ئٹی ودکی مخلوق سخت تیٹ ودکی تون اوار گیسں پریشر گم، یخ ئٹی مخلوق لڑنگ ءِ۔ نیچاری روڈ پیر محمد خان روڈ، غلزئی روڈ، لوہاری محلہ و افتا خڑک علاقہ آتا مخلوق وزیراعلی بلوچستان ، صوبائی وزیر عبدالخالق ہزارہ آن خواست کرینو کہ اوہ تعلقدار علاقہ آتیٹ گیس پریشر ٹی کمی و لوڈشیڈنگ نا نوٹس ءِ الیر و مخلوق ءِ گیس تننگ نا یخین تیر۔
گیشتر حوال تا رد ئٹ مخلوق مزاحمت کریسہ پارے اگہ دمدستی وڑ ئٹ گیس پریشر ءِ بحال کننگتو گڑا سوئی سدرن گیس کمپنی نا دفتر، اونا جنرل مینیجر و گیس کوالخوا نا ارا داپار ہپار الینگو و گیس دفتر و گیس کولخوا نا ارا نا گیس بند کریسہ اوفتا مونا تولوک برانز کننگو۔
او پارے کہ بھاز یخ ئٹی گیس لوڈشیڈنگ و کم پریشر نا سوب آن مخلوق سختی تا گواچی ءِ، منہ در مست گیس پریشر یلہ مس ولے ناگمان سہب تون گیس پریشر واپس کم کننگا، داسا یخ ئنا دا ترند آ لڑ ئٹی زالبول ، پیر ، چنا و ناجوڑ بندغ آک سختی تا گواچی ءُ، اسہ پارہ غان گیس اف ایلو پارہ غان مخلوق آ کروڑ آ رپئی تا بل ئنا باریم شاغیرا ہرا لس مخلوق تون زوراکی و ظلم ءِ۔
او پارے کہ گیس دفتر ٹی ارا مسہ آفسران آ تالان اسہ مافیا کوزہ ءِ ہرا ہر سال یخ آتیٹ گیس پریشر امدیکہ کم کیرا او پاریر کہ ہی ایم گیس و ایلو اعلی افسران تو ئنا لکھ آ رپئی تنخواہ الیرہ تاکہ او شاری تے تیوہ پریشر تون اوار گیسں سپلائی ءِ یخینی کیر، او پین پاریر کہ سوج دادے کہ منہ دے مست کوئٹہ نا بھاز آ علاقہ آتیٹ گیس نا پریشر بحال مس گڑا واپس انت اس مسوک کہ او ار پریشر وپاواپس ایسر مسس۔
داسا سہب آن شام اسکان گیس تیوہ وڑ ئٹ گم مریک اندن شام ئنا ہم مخلوق گیس تفیسہ زالبول آک اِرغ کننگ کن سختی تا گواچی ءُ۔