حوال تا رد ئٹ پاکستان ئٹ کورونا نا تالانی واپس خطرہ نا گھنٹی ء خلک، بیست و چار گھنٹہ نا نیام ئٹی مثبت کیس آتا کچ ہفت اعشاریہ مسہ شش فیصد ریکارڈ کننگانے، کورونا وائرس آن 7 بندغ مرگ نا گواچی مسونو ہراڑان گڈ کہوک آتا کچ28 ہزار 999 مسونے اندن پاکستان ٹی کورونا نا پک مروکا کیس آتا کچ 13 لکھ 15 ہزار 834 مسونے۔
نیشنل کمانڈ اینڈ آپریشن سینٹر نا پوسکنا حساب نا رد ئٹ 24 گھنٹہ نا نیام ئٹی 3 ہزار 567 پوسکنو کیسز رپورٹ مسونے اندن پنجاب ٹی 4 لکھ 50 ہزار 686، سندھ ئٹی 4 لکھ 94 ہزار 64۔
اندن خیبرپختونخوا ٹی اسہ لکھ 81 ہزار 996، بلوچستان ٹی 33 ہزار 682، گلگت بلتستان ٹی 10 ہزار 437، اسلام آباد ٹی اسہ لکھ 10 ہزار 243 اندن آزاد کشمیر ٹی 34 ہزار 726 کیس رپورٹ مسونے۔