بلوچستان نا علاقہ کوئٹہ، و پنجگور ئٹ روڈ شکست و سم کاری نا جتا ویل آتیٹ 4بندغ ٹپی مسونو۔
حوال تا رد ئٹ کوئٹہ نا علاقہ نواں کلی ٹی روڈ شکست نا سوب آن مسہ بندغ ٹپی مسونو گیشتر حوال تا رد ئٹ تدوکا دے بلوچستان نا دارالحکومت کوئٹہ نا علاقہ نواں کلی ٹی بائی پاس آ روڈشکست نا سوب آن مسہ بندغ ٹپی مسونو۔
گیشتر حوال تا رد ئٹ روڈ شکست ٹی ٹپی مروک آ بندغ آک دمدستی وڑ ئٹ ہسپتال آ سر کننگانو پین کارروائی تعلقدار پولیسں کننگ ء۔
اندن پین حوال ئسے نا رد ئٹ پنجگور نا علاقہ پروم ٹی نادرست بندغ آک سم کاری کریسہ اسہ بندغ ئسے ٹپی کریر پنجگور ٹی جانجوڑی آسراتی نا کمبوتی نا سوب آن تربت آ راداہ کننگا۔
اندن لیویز آن رسینگوک حوال تا رد ئٹ تحصیل پروم نا علاقہ دز پروم ٹی گاڑی پولینگ نا وخت آ مزاحمت آ داڑیل تا سم کاری آن طارق بشیر پنی ء بندغ اس ٹپی مسونے داڑیل آک گاڑی ء پولیسہ نرار فرار،اندن ڈسٹرکٹ ہیڈکوارٹر ہسپتال پنجگور ٹی آسراتی نا کمبوتی نا سوب آن ٹپی آ بندغ تربت آ راداہ کننگا۔