گوادر،حق ایتبو تحریک نا سر کماش مولانا ہدایت الرحمن بلوچ نا گوادر ایئر پورٹ روڈ آ پرہجوم پریس کانفرنس

حوال تا رد ئٹ حق ایتبو تحریک نا سر کماش  مولانا ہدایت الرحمن بلوچ گوادر ایئر پورٹ روڈ آ پرہجوم پریس کانفرنس کرے پریس کانفرنس ٹی تولوک برانز  و کوسٹل ہائیوے ء  بند کننگ نا پڑو کرے۔

او پارے کہ تدوکا تو حکومت تون مزاکرات آن گڈ  تولوک برانز ایسر کننگا، وزیر اعلی تولوک برانز ٹی ننا خواست آتا عمل کننگ نا یخین تسوسس، اسہ تو گدرینگا ولے ننا خواست آتا عمل کننگتو۔

اونا پین پاننگ اس  کہ خواست آتا عمل نہ کننگ آ  مولانا ہدایت الرحمن نا کوسٹل ہائیوئے آ تولوک برانز نا پڑو کینا 20 جنوری و ماڈہ کوسٹل ہائیوے آ تولوک برانز مرو 3 فروری آ پسنی نا ہند آ مکران کوسٹل ہائیوے بند کننگو۔

اندن 10 فروری آ سر بندن کراس آ مکراب کوسٹل ہائیوے بند مرو،27 فروری آ اوتھل زیروہ پوائنٹ آ تولوک برانز مرو، کوئٹہ و مکران نا ٹریفک ء جام کرون، اول مارچ آ نادرست وخت اسکان واپس گوادر ٹی تولوک برانز کننگو۔