بلوچستان ئٹ کورونا وائرس نا 65 پوسکنو کیس رپورٹ مننگ آن گڈ زیمی بندغ آتا کچ 34342 مسونے محکمہ جانجوڑی کورونا وائرس آپریشن سیل نا شینک کروکا رپورٹ نا رد ئٹ تدوکا 24 گھنٹہ نا نیام ئٹی بلوچستان نا 9ضلاع آن کورونا وائرس نا 65 کیس رپورٹ مننگ آن گڈ داسکان جمعی وڑ ئٹ زیمی بندغ آتا کچ 34342 مسونے۔
رپورٹ نا رد ئٹ بلوچستان ٹی کورونا وائرس نا گواچی مروک 196 بندغ درواخ مسر ہراڑان گڈ جمعی وڑ ئٹ درواخ مروکا آتا کچ 33540 مسونے اندن بلوچستان ئٹ کورونا وائرس نا فعال ناجوڑ تا کچ 435 ء ہرافتیان 14 ہسپتال آتیٹ دوا درمان مننگ ء او بندغ آتیٹ 5 ہائی اندن 1 لوآکسیجن آ تخننگانو۔
گیشتر حوال تا رد ئٹ بلوچستان ٹی تدوکا 24 گھنٹہ نا نیام ئٹی کورونا وائرس نا تالان مننگ نا کچ 80 – 7 فیصد ریکارڈ کننگانے رپورٹ نا رد ئٹ کوروناوائرس نا 833 ٹیسٹ کننگانے ہرافتیان 65 بندغ ٹی کورونا وائرس پک مسونے اندن 121 بندغ نا سوب آک داسکان بتنو بلوچستان ئٹ داسکان کورونا وائرس آن 367 مرگ مسونے۔