بلوچستان نا ضلع مستونگ ئٹ نادرست سلاء بند موٹر سائیکل سوار آک سم کاری کریسہ لیویز کارندہ ءِ کسفیر۔
کہوک آ لیویز کارندہ نا چاہنداری حاجی بیگ محمد بنگلزئی نا پن آن مسونے۔
سم کاری نا ویل مستونگ پڑنگ آباد نا علاقہ ٹی متکنا گرین ہوٹل آن خڑک مونا بس ہراڑے نادرست بندغ آتا سم کاری آن لیویز کوالخوا حاجی محمد بیگ بنگلزئی مرگ نا گواچی مس اندن ڈوہدار آک نرنگ ئٹ سرسہب مسر۔
حوال تا رد ئٹ کہوکا لیویز کوالخوا تینا موٹرسائیکل آ ڈیوٹی کن ہننگ اس کہ نادرست بندغ آک اودے ٹک کریر، کہوک نا کاٹم آ سم لگنگ آن مرگ مسونے۔
جون ڈسٹرکٹ ہیڈکوارٹر ہسپتال آ دننگا داسکان ویل ئنا سوب درست متنے۔