سیکرٹری ثقافت، سیاحت و آثار قدیمہ نا شعبہ تون تعلقدار اصغرحریفال پارے کہ بلوچستان مست ئنا تہذیب وتمدن نا حامل ڈیہہ ءِ صوبائی حکومت لمئی بولی تا دیمروئی و ترویج کن تیوہ آ وسائل آک کاریم اٹ ہتنگور ادیبک و نوشتکار آک چاگڑد نا سہی راہشون آکو۔
تدوکا دے نوری نصیر خان کلچرل کمپلیکس ٹی لمئی بولی نا جہانی دے وخت آ نظامت ثقافت حکومت بلوچستان نا پارہ غان ہڈ تروک سیمینار آن ہیت کننگ اس سیمینار نا صدارت ءِ پنی آ دانشور ایوب بلوچ کرے اندن دا وخت آ جتا بولی تا ادیبک و شاعر آک ہم بھلو کچ اسیٹ ساڑی اسر۔
او پاریر سیکرٹری ثقافت نظامت ثقافت نا اُست خواہی تا داد ایتنہ پارے کہ بلوچستان حکومت نا لمئی بولی تا دیمروئی و ترویج و شینکاری کن تیوہ آ وسائل تے کاریم اٹ ہتیسہ گام ارفینگ ءِ بلوچستان جتا بولی تا گلدستہ ءِ ننے دا گلدستہ ءِ تازہ تخننگ کن تینا اشتماعی ذمہ واری تے کاریم ئٹ ہتروئی ءِ۔
مجلس آن ہیت کریسہ ایوب بلوچ، پروفیسر ڈاکٹر لال خان کاکڑ ، عبدالقیوم بیدار ، سرور سودائی ، عطاءالحق زیرک محمد علی ہمدم و ایلو بھلاک لمئی بولی تا اہمیت و افادیت آ روژنائی شاغار و دا ہیت ئنا خواست آ زو ردیا نا لمئی بولی تے تعلیمی بولی تا وڑ ئٹ رائج کننگے تاکن چنا تا ہل کننگ و مونی ہننگ نا بھاز آ لائخیک ودینگ مریرا۔
اندن بھلاک نظامت ثقافت نا اُست خواہی تا داد تریسہ پاریر کہ بولی و ادب فنون لطیفہ نا تالانی کن ادارہ ثقافت خاص کڑدار ادا اس کرے بنجائی بولی تا دیمروئی ٹی ادارہ ثقافت و نظامت ثقافت فعال کڑدار ادا کرینو ہرا تاریف نا لائخ ءُ۔