بلوچستان نا پنی آ نوشتہ کار عابد میر و چاگڑدی باسک پیروین میر استا اُراٹی اوستہ محمد اٹ دُزی مسونے۔ دُزاک زر، خیسن و ایلو زیات نہاد گڑاتے تینتون دریر۔
پروین میر نا ردئٹ ہراڑے دُزی مسونے او سرکاری کوارٹر و سول ہسپتال نا ایمرجنسی روم نا منہ گام نا مُری ئٹی ءِ۔ ہراڑے سی سی ٹی وی، چوکیدار و پولیس نا رکھ ہم ساڑی مریک واہم دُزی مننگ بھاز پارہ غاتیا پام تننگ نا خواست کیک۔
پروین تدینی آن گڈ ایس ایچ او تون اونا دفتر ئٹ دا بابت اوڑدئی کرے ہراڑے کوالخواء دُز آتیکن ہلنگ اوفتے یخین تسر۔
یاتی مرے عابد میر بلوچستان نا جنگ و ویل آتا بابت نوشتہ کرور پنی ءُ نوشتہ کار ئسے، دا ردئٹ او بھاز آ کتاب آتے نوشتہ و شون تننگ تون اوار بلوچستان ئٹ کتاب ربیدگ ءِ شون تننگ ئٹ ہم گام خلکن ءِ ہراٹی اودے سرسہبی دو بسونے۔ و پروین میر اوستہ محمد ئٹ چاگڑدی ویل آتا ایسری کن خواری کرینے۔
دا دُزی آ بھازاک تینا خُلیس نا درشانی کننگو کہ دا اسہ چم اس مننگ کیک ہراڑان نوشتہ کار و چاگڑدی باسک آتے تڑی تننگانے۔ تدینی نا بابت پولیس مُستی پٹ و پول کننگے۔