بلوچستان نا ضلع لسبیلہ و ایب کیب ئٹ 450 آن زیات بندغ نوکاپ نا دیر ئٹی گٹ مسونو ہرافتیان 50 بندغ بچفنگانو،اندن ایلو تیکن ریسکیو آپریشن برجاہ ءِ۔
پرونشل ڈیزاسٹرمینجمنٹ اتھارٹی (پی ڈی ایم اے) نا رد ئٹ لسبیلہ ٹی 26، اوتھل ٹی 70، والپت ڈیم نا خڑک 300، آرسی ڈی بھلا روڈ آ 25 اندن لسبیلہ بازار نا خڑک 50 بندغ گٹ مسونو ہرا تا بچفنگ کن پی ڈی ایم اے ٹیم آک کاریم کننگ ءُ۔
گیشتر حوال تا رد ئٹ ریسیکیو ٹیم آک لسبیلہ ٹی نوکاپ نا دیر تیٹ گٹ بندغ آتے بچفینگ کن لگوک ءُ، 50 آن زیات زالبول چنا و ایلو بندغ آک رکھوک ہند ئسے آ سر کننگانو۔
پی ڈی ایم اے کوالخوا تا رد ئٹ بشام نا زوت مروک آ پر تا لڑ لسبیلہ و حب ئٹی سیلابی حالیت نا گمان ءِ اندن 20 آن زیات ریسکیو کارندہ کمکی کاریم تیٹ گٹ ءُ۔
کمکی ٹیم آک داسکان 50 آن زیات بندغ ءُ سلامت رکھوک انگا جاگہ آتیا سر کرینو ہرافتیٹ زالبول چنا و پیر انگاک ہم اوار ءُ۔