کوئٹہ کراچی بھلا کسر آ خضدار نا ہند آ روڈ شکست ئٹ نو بندغ بیران مسر۔
کمکی کاریم کروک آتا ردئٹ تدینی مسافر منی و پک اپ گاڑی نا نیامٹ خضدار ئٹ کورک نا ہند آ مس۔ بنائی حوال تا ردئٹ کہوک آتیٹ پنچ زالبول و مُسہ نرینہ اوار ءُ۔ تدینی ئٹ پانزدہ مسافر ٹپی ہم مسونو۔ اِرا بھاز ٹپی ءِ کراچی کن رادہ کننگانے۔
جوْن تے الّمی کاروائی و ٹپی تے دمدستی جانجوڑی کمک کن خضدار ٹیچنگ ہسپال آ دننگا۔ ٹپی مروک آتیٹ ہم زالبول و چُنا اوار ءُ۔
ڈپٹی کمشنر خضدار میجر ریٹائرڈ محمد الیاس کبزئی و ایم پی اے میر یونس عزیز زہری ٹپی تا اریفنگ کن ہسپتال آ سرمسر۔ دا وخت آ ڈپٹی کمشنر نا پارہ غان ٹپی مروک آتے گچین آسراتی و جانجوڑی کمک تننگ نا پنت کننگا۔