بلوچستان ئٹ برجاء خودکشی نا تدینی تیٹ ترندی بننگ ءِ، حوال تا رد ئٹ اسہ پین بندغ اس خودکشی کرینے۔
دا منَہ دے ٹی دئے بندغ نا خودکشی نا حوال رسینگانے۔خودکشی نا تدینیک کیچ، پسنی، پنجگور و نوشکی آن رپورٹ مننگ ءُ۔
حوال تا رد ئٹ تدوکا دے ضلع کیچ ئنا ہندی مھیم ولد آسمی پنی ءُ بندغ اس خودکشی کرینے۔
تدینی نا سوب داسکان سما تمتنے، ولے حوال تروکا تا رد ئٹ پن کروک بندغ ءِ فورسز آک منَہ سال مُست دزگیری آن گڈ بیگواہ کریسر، وآجو مننگ آن پد اونا نفسیاتی حالیت جوان الو۔
یاتی مرے کہ بلوچستان ئٹ بیگواہ آ بندغ آتا ویل باز بھلو ویل ئسے و فورسز آتا دزگیری آن اخس کہ بندغ آجو مسنو اوفتا اندا پاننگ ءِکہ او نفسیاتی بابت ئٹ ہڑاند آتا گواچی ءُ۔