بلوچستان نا شار ڈیرہ مراد جمالی ٹی نوکاپی دیر نا حالیت داسکان برجاء ءِ۔ علاقہ منجو شوری ٹی اسہ خاہوت اس تدوکا کہی دےآن اسہ دُکان اسیٹ تولوک ءِ ولے داسکان ضلعی بست و بند نا کنڈ آن اوفتے کمک رسینگتنے۔
وزیراعلیٰ بلوچستان عبدالقدوس بزنجو بلوچستان نا بند ءِ پِرغیسہ نوکاپ نا دیر ءِ سندھ نا پارہ غا یلہ کننگ نا ڈوبہ نا پٹ و پول کن جےآئی ٹی جوڑ کننگ نا پارینے۔
ایلو پارہ غان چمن مسافر ٹرین اِرا ہفتہ آن گُڈ یلہ مس، ٹرین مسافر آتے ارفیسہ کوئٹہ ریلوے اسٹیشن آن چمن کِن راہی مس۔
بلوچستان ٹی پِر و نوکاپ نا دیر تا سوب آن بند مروکا اسکول و کالج آک ملِنگانو ۔
داڑے نوکاپ نا دیر آن 24 گھنٹہ نا نیام ئٹ پین 24 بندغ مرگ نا گواچی مسُنو۔ این ڈی ایم اے نا ردئٹ غُٹ آن زیات 19 بندغ سندھ ئٹکذیت کرینو اندن مُسہ پُل ءِ نسخان رسینگانے۔