بلوچستان نا علاقہ بالگتر ٹی تدوکا نن نا درست بندغ آک اُرا ٹی پُترینگیسہ اِرا بندغ ءِ کسفیر۔
شابیت حوال تا رِد ئٹ تدوکا نن بالگتر نا علاقہ کنڈ ئٹ نَنکان دہ بجہ نا وخت آ نا درست سلاء بند بندغ آک موٹر سائیکل آ سوار اُرا سے آ جلہو کریسہ اسہ نیاڑی تون اوار اِرا بندغ ءِ کسفیر۔
کہوک آتیٹ طارق پِنی ءُ بندغ ئس و اونا زائیفہ اوار ءُ۔
حوال تا پاننگ ءِ کہ پِن کروک بندغ نا تعلقداری سرکاری سلاء بند ٹولی آن ءِ واہم تدینی نا سوب دائسکان مونا بتنے۔
یاتی مرے کہ بلوچستان ٹی راج دوست حلقہ دوبہ خلیسہ ءُ فورسز کارندہ آک تیوہ بلوچستان ٹی سلاء بند جھتے ٹہیفینو ہرا بندغ آتے بیگواہ و خون کننگ تون اوار گیشتر سماجی خرابی تیٹ اوار ءُ، ہرافتے صاف انگا لوز آتیٹ ڈیتھ اسکواڈ پارہ۔