بلوچستان نا جتاء علاقہ آتیٹ چار شمبے نا دے مروک کسر شکست و پین حالیت نا تدینی تیٹ چار بندغ بیران اندن ہژدہ ٹپی مسر۔
تدینیک پنجگور ، سوراب ، ماشکیل و گوادر ٹی مسنو۔ پنجگور آن حوال ءِ کہ دزناپ ٹی سلاء بند بندغ آک سُم کاری کریسہ دئے جماعتنا خوانندہ مشتبہ ولد پرویز پِنی ءُ ورنا سے خون کرینو۔
ایلو پارہ غان سوراب ٹی مسافر دروک ءُ بس ئسے نا چَپی مننگ آن پانزدہ بندغ بیران مسر۔ تدینی بس ڈرائیور نا تُنگان ہننگ نا سوب آنمس۔
اسہ پین تدینی اس ماشکیل ٹی مس ہراڑے منگوچر اشتماع آ ہِنوک گاڑی شکست نا گواچی مس ہراٹی 2 بندغ بیران و 3 بندغ ٹپیمسر۔
جیونی آن کراچی آ ہِنوک اسہ کرولا اُلاخ اس مکران کوسٹل ہائی وے آ شتنگی نا ہند آ شکست نا گواچی مس۔
شکست ٹی شرافت گوٹھ کراچی نا جاگہی محمد علی ولد رحیم جاگہ غا ساہ تس اندن جیونی نا ہندی مبین باز ٹپی مس ہرادے دمدستیآر ایچ سی پسنی آ سر کننگا۔