یک شمبے نا دے بلوچستان نا ضلع گوادر نا علاقہ اورماڑہ ٹی پاکستان نیوی کارندہ تا کنڈ آن ماہی گیر تے شکار نا وخت آ بے دادی ناگواچی کننگا۔
تدینی آن گڈ ہندی زالبول و شاری تا بھلو کچ ئس جناح نیول بیس نا بنجائی گیٹ نا مونا مُچ مریسہ برانز بناء کریر۔
ماہی گیر تا رد ئٹ نیوی کارندہ تا بے دادی آن وحید ٹاپی پِنی آ ماہی گیر بھاز ٹپی ءِ۔
نیوی کارندہ غاک ٹپی آ بندغ ءِ اسپتال آ دننگ نا جاگہ آ سڑک نا کرک آ الار۔
مخلوق نا رد ئٹ ماہی گیر ءِ ہچ وڑ نا دارو درمان رسینگتنے۔
ایلو پارہ غا ماہی گیر و زالبول تا بھلو کچ ئس جناح نیول بیس نا بنجاہی گیٹ نا مونا مُچ مریسہ برانز بناء کرے و انصاف نا خواستکننگ ءُ۔
برانزی تا رد ئٹ چار ماہی گیر ءِ نیوی کارندہ غاک تینتون اوار ارفینو درینو۔
ماہی گیر تا رد ئٹ او نیوی نا کنڈ آن تروکا سمندری سیم ئٹ پنچ دے آن موری مچھی نا شکار کننگ ءُ ولے اینو ناگمان نیوی کارندہ غاکبسنو اوفتیا بے دادی کرینو۔
برانزیک پاریر کہ ہندی بندغ آتون فورسز نا رویہ ظالم و مظلوم نا ءِ او تینا دا رویہ بدل کیر۔