نوشکے ئٹ پولیس نا سم کاری نا سوب آن بیران مروک آ ورنا نا خاہوت جون تون اوار برانز کرے۔
لیویز فورس نا سم کاری آن ورنا ئسے نا بیران مننگ نا برخلاف کوئٹہ تفتان کسر بند کننگا برانز کروک آک چیف جسٹس بلوچستان نا قافلہ ءِ ہم توریر۔
برانز کروک آتا رد ئٹ تدوکا دے نوشکے نا علاقہ گزنلی ئٹ لیویز فورس نا سم کاری آن سعید احمد پنی و بندغ ئس بیران و سہراب پنی و بندغ ئس ٹپی مسوسس۔
اندن ضلعی کوالخوا تا پاننگ ءِ ہراتم لشکر دا علاقہ غا سر مس گڑا پولیس پارٹی آ سم کاری کرے ہراڑے جوابی سم کاری ئٹ دا بندغ مرگ نا گواچی مس۔
برانز کروک آک کوئٹہ تفتان کسر آ جون آتون اوار انصاف تننگ نا خواست ءِ کریسہ ئسر ہراڑے داڑان گڈ کوالخوا تون مذاکرات آن پد برانز ءِ ایسر کریر۔
یاتی مرے دا علاقہ ٹی تدوکا دے ہم سم کاری نا اسہ تدینی ئس مونا بسوسس ہراڑے اسہ بندغ ئس بیران و ارٹ ٹپی مسوسسر۔