پشتون راہشون پشتین نا برخلاف لاہور ٹی غداری و دہشت گردی نا مقدمہ درج کننگانے۔
سول لائن تھانہ لاہور ٹی درج مقدمہ نا ردئٹ پشتون تحفظ موومنٹ نا سروکی وزیراستان نا رہینگوک منظور پشتین تُدوکا دے تیٹ لاہور نا اسہ ہندی ہوٹل ٹی کانفرنس نا وخت لشکر و راہشون آتیا بلاجواز تنقید کرے و پاکستان لشکر نا دہشت گردی نا برخلاف جنگ ءِ متنازع کننگ نا کوشست کریسہ کانفرنس ٹی ساڑی مروک بندغ آتے لشکر نا برخلاف بش کرے۔
مقدمہ نا ردئٹ منظور پشتین و سنگت آک ہمو وخت فوج نا برخلاف توار خلکُر اندن اوفک تینا پڑو نا نیام ئٹ متظمین ءِ فوج نا برخلاف مزاحمت نا پڑو کننگانے۔
دا باروٹ منظور پشتین نا پاننگ ئس کہ عاصمہ جہانگیر کانفرنس ٹی پڑو آ بیرہ کنا برخلاف غداری و دیشتگردی نا ایف آئی آر درج کرینے بےدادی نا برخلاف حق نا توار آتے ایف آئی آر جیل یا پروپیگنڈو آن شیف خلنگ مریک ہاں دانا حل بیرہ انصاف تِننگ ءِ۔
یاتی مرے کہ تُدوکا دے تیٹ عاصمہ جہانگیر فاؤنڈیشن نا پارہ آن مروک سالانہ کانفرنس لاہور ٹی ہڈ تننگا ہراڑے تیوہ ملک آن سیاسی، راجی، وکیل تنظیم آک و بندغی حق آتا باسک آک اوار مسُر۔