دو شمبے نا دے بلوچستان آ مروک سم کاری نا تدینی تیٹ زالبول سیتون اوار مُسہ بندغ نا خون کننگانے۔
سم کاری نا تدینیک نوشکی و پنجگور ئٹ مونا بسنو۔
پنجگور آن حوال ارے کہ نادرست سلاء بند بندغ آک خدابادان ئٹ سم کاری کریسہ الطاف ولد اقبال پنی ءُ بندغ ئسے کسفیسہ نرانو۔
بلوچستان نا علاقہ نوشکی ٹی سلاء بند موٹر سائیکل سوار آک سم کاری کریسہ نوشکی بڑیچ آباد نا ہندی وسیم بڑیچ ءِ کسفینو۔
نوشکی آن پین حوال ئس ارے کہ دو شمبے نا نیمروچ نا وخت نوشکی ٹی ترند سم کاری نا توار بننگانے اندن ہمو وخت اسہ زالبول ئس سم کاری نا دک ئٹ بریسہ بیران مسونے۔