اوغانستان نا بجائی شار کابل ئٹ چار شمبے آ سرکاری ملازم تا اسہ بس ئسے ٹک کننگا ہرا نا سوب آن 7 بندغ ٹپی مسر۔
کابل پولیس ترجمان نا رد ئٹ چار شمبے نا سہب ڈسٹرکٹ 5 ئٹ وزارت خلقی بحالی و دیمروئی نا ملازم تا اسہ منی بس ئسے سڑک ناکرک آ کڈ کروک بمب ئٹ ٹک کننگانے۔
پولیس ترجمان نا رد ئٹ بمب تراک ئٹ 7 سرکاری ملازم ٹپی مسر، غٹ ٹپی تے اسپتال آ سرکننگا ہراڑے اوفتا دارو درمان مننگ ءِ۔ واہمپولیس تراک ئٹ بیرانی تا پک کتنے۔
کابل پولیس و بست و بند تدینی نا پٹ و پول کننگ ءِ۔ کابل پولیس نا ترجمان میڈیا ءِ پارینے کہ پولیس جلہو کروک آتے پٹنگ ءِ ہرافتا برخلاف ترند کارروائی کننگو۔
یاتی مرے کابل و اوغانستان نا ایلو ضلع تیٹ مروک جلہو تا ذمہ واری ءِ ہر وخت داعش ارفینے، واہم دا جلہو نا زمہ واری ءِ داسکان کسارفتنے۔