بلوچستان نا ضلع کیچ ٹی پاکستانی فورسز کارندہ آک اسہ بندغ ئسے دزگیر کریسہ نا درست ہند آ درینو ۔ خاہوت برانز کریسہ سی پیک کسر ءِ بند کرے ۔
بیگواہ کروک بندغ نا خاہوت برانز کریسہ سی پیک کسر ءِ تجابان نا ہند آ بند کرینو ۔ کسر نا بند کننگ نا سوب آن گاڑی تا مُرغنو لین ئس لگا ۔
خاہوت نا پاننگ ءِ کہ پاکستان فورسز کارندہ آک استو اُراتیا جلہو کریسہ نیاڑی و چُناتے بےدادی نا گواچی کریر و اسہ بندغ ئسے دزگیر کریسہ نادرست ہند آ دریر ۔
بیگواہ مروک ورنا نا چاہنداری حکیم ولد داد بخش نا پِن آن مسُنے ۔
خاہوت نا خواست ءِ کہ پِن کروک ورنا ءِ زُوت ئس آجو کیر نہ گڑا برانز اندُن برجاء مرو ۔ دا باروٹ دائسکان بست و بندی کوالخواء تا ہیت مونا بتنے ۔