مذہبی تنظیم اسلامک اسٹیٹ اوغانستان نا بنجائی شار کابل نا اسہ ہوٹل اسیٹ مروکا جلہو نا ذمہ واری ءِ ارفے۔
ایلو کنڈ آن چین پارینے کہ دا جلہو ئٹ اونا پنچ شاری ٹپی مسنو۔
جلہو آن منَہ ساعت گڈ اسلامک اسٹیٹ نا ہندی کڑدہ دا جلہو نا ذمہ واری ءِ ارفے۔
دا ہیت باز اہم ءِ کہ خدو کابل آ طالبان نا کوزہ آن گڈ اسلامک اسٹیٹ اوغانستان ئٹ کہی وار دہشت گرد جلہو کرینے۔
ایلو کنڈ آن چینی وزارت خارجہ اینو اسہ بیان اس شنگ کریسہ پارینے کہ دا جلہو ئٹ اونا پنچ شاری ٹپی مسنو۔
دا جلہو ئٹ جانی نسخان نا بارو ئٹ جتا حوال آک مونا بسنو۔ طالبان نا رد ئٹ دا تدینی نا مُسہ جلہوکار خلنگانو و ‘اسلامک اسٹیٹ‘ نارد ئٹ اونا اِرا جنگجو دا تدینی ٹی تُد ئسر۔ “اسلامک اسٹیٹ” ہڑتوما جلہو کار آتا پن و عکس آتے ہم شنگ کرینے۔
طالبان نا ترجمان ذبیح اللہ مجاہد نا رد ئٹ ہوٹل ئٹ رہینگوک اِرا پیشن ملکی دریچہ غا تیان درکانو، ہرا نا سوب آن ٹپی مسنو۔ دانگانکابل نا ایمرجنسی اسپتال پارینے کہ اوڑے بیست و یک بندغ ہتنگانے، ہرافتیان مُسہ بیران مروک ہم اوار مسنے۔
دو شمبے نا دے کابل نا بنجاہ ٹی ساڑی دئے منزلہ لوگان ہوٹل ئٹی پیہیسہ سُم کاری کروکا ہڑتوما جلہو کار آک خلنگاسر، و تینا ساہ ءِرکھنگ کن ہوٹل نا دریچہ غا تیان درکوک اِرا بندغ ٹپی مسوسر۔
راجی حوالکاری میڈیا آ شنگ مروکا عکس و ویڈیو تیٹ ہمو ماڑی آن مولࣿ ئنا جھمر بش مریسہ خننگا و ہندی بندغ آتا رد ئٹ سُم کاریو تراک ئنا توار ہم بننگ مسنے۔