حوال تا رد ئٹ خاران شار ئٹ نادرست آ بندغ آک اُرا سے آ چغلی بمب خسیسہ نرار۔
شابیتی حوال تا رد ئٹ خاران نا علاقہ چیف چوک ئنا خڑک شہریار نوشیروانی پنی ءُ بندغ ئسے نا اُرا ءِ نادرست آ بندغ آک چغلی بمبئٹ ٹک کریر۔
تراک ئنا توار مُر مُر اسکان بِننگا۔ پولیس و ضلعی بست و بند تدینی نا ہند آ سر مریسہ جاگہ ءِ گھیرہ ٹی ہلک و پٹ و پول بناء کرے۔
بلوچ لبریشن آرمی نا ترجمان جئیند بلوچ میڈیا ٹی شینک کروک تینا بیان ئٹ دا بمب جلہو نا ذمہ واری ءِ ارفے۔
جیئند بلوچ نا رد ئٹ بلوچ لبریشن آرمی ناسرمچار آک خاران شار ٹی چیف چوک نا ہند آ کوزہ گیر پاکستانی لشکر نا کمکار شہریارنوشیروانی نا سنگر ءِ چغلی بمب جلہو ٹی ٹِک کرینو۔
جیئند بلوچ تینا تِروک شابیت حوال ئٹ پارے کہ پن کروک بندغ کوزہ گیر نا شک آ بلوچ ورناتے بلیک میل کریسہ اوفتے دژمن لشکر کنمخبر نا وڑ کارمرز کیک و پن کروک کارندہ بےوس آ بلوچ آتا ڈغار تیا کوزہ کننگ نا وڑ ئنا ڈوہ تیٹ ہم اوار ءِ۔
ترجمان نا پاننگ ئس کہ بلوچ لبریشن آرمی دا جلہو نا ذمہ واری ءِ ارفک و شہر یار نوشیروانی تون اوار خاران و ایب کیب ئٹ دژمن نامخبر و کمکار آتے عبرتناک انجام اسکان رسیفون۔
اونا گیشتر پاننگ ئس کہ تینا مسخت نا دوئی کننگ اسکان کوزہ گیر لشکر و اونا ہمکار آتیا ننا جلہوک برجاء مرور۔