بلوچستان نا ریکوڈک منصوبہ آ کاریم کروک کمپنی بیرک گولڈ کارپوریشن، حکومت پاکستان و بلوچستان نا نمائندہ تا نیام ئٹ تدوکا دے15 دسمبر آ لندن ٹی گپ و تران آ باقاعدہ دستخط مس۔ دا وخت آ بلوچستان نا سینئر کوالخواک ہم ساڑی اسر۔
پاکستانی کوالخواہ تا کنڈ آن دعوی کننگانے کہ ریکوڈک منصوبہ نا تاریخی گپ و تران الّمی وڑ ئٹ ایسر مسنے ہرا پاکستان نا تاریخ ناکل آن بھلو پیشن سرمایہ کاری نا گپ و تران ئسے ہرانا تیوہ خرچ 8 ارب ڈالر ءِ۔
پاکستانی کوالخواہ تا دعوی نا رد ئٹ گپ و تران آ دستخط کننگ آن گڈ پاکستان آ جہانی عدالت نا کنڈ آن خلوک 6.5 ارب ڈالر نا ڈنڈ ہمبے زیم مسنے ریکوڈک گپ و تران 16 دسمبر 2022 آن عمل ئٹ برو و کمپنی کاریم نا بناء ءِ زوت کرو۔
پاکستانی کوالخواہ تا دعوی ءِ کہ سپریم کورٹ آف پاکستان نا کنڈ آن اسہ جوانو صلہ ئس دوئی کریسہ دا قانود سازی ءِ قانودیدروشم تننگانے۔ جہان نا کل آن بھلا خیسن نا منصوبہ تیان اسٹ، ریکوڈک نا ملکیت 50% بیرک تون ءِ، 25% کینیڈا نا مُسہ بنجائیسرکاری ادارہ تون ءِ، 15% صوبہ بلوچستان نا تیوہ فنڈ آتا بنداو آ مرو و ایلو 10% صوبہ بلوچستان نا آزات بشخ مرو۔
بیرک کارپوریشن نا صدر و چیف ایگزیکٹو مارک برسٹو پارینے کہ ریکوڈک نا جہانی معیار نا سوب آن پاکستان و بلوچستان دیمروئیکرو و دا نا سواد آک بلوچستان نا نسل آتے اسکان رسینگور “نن اسیکہ دا منصوبہ نا 2010 ئنا فزیبلٹی و 2011 نا فزیبلٹی شابیت ناخواننگ ءِ اپ ڈیٹ کننگ اُن۔ دا منصوبہ 2024 اسکان ایسر مرے ہراڑان گڈ اولی پیداوار نا 2028 اسکان اومیت مرو۔ برسٹو پارے کہ“بھلا کچ و جوان انگا گریڈ نا مڈی تون اوار ریکوڈک منصوبہ نا میعاد 40 سال اسکان تخنگانے، نن اعلی معیار نا مڈی تے دوئی کننگکن ٹرک و شاول تون اوار غٹ الّمی آسراتی تون دا کاریم نا بناء ءِ کننگ اُن و اومیت کینہ کہ ہر سال 80 ملین ٹن پیداوار نا گنجائشت تونپوروْ کننگو۔
برسٹو پین پارے کہ ریکوڈک پاکستان نا معیشت ٹی اہم کڑد ئس ایسری ترو ہراڑان بلوچستان آ دیمروئی نا مثبت زیم تمو ہراڑے اوڑاندوئی مروک معاشی سواد آتیان بیدس بندغ آتے پوریا ہم تننگو، علاقائی معیشت دیمروئی نا کنڈ آ ہنو، دیمروئی کاریم تیٹ سرمایہ کاریکرون۔ بلوچستان حکومت ءِ فنڈ تننگو ہراڑان بلوچستان نا مالی کمک مرو و اود تینا 25 در سد بشخ ئنا سواد، رائلٹی و ایلو سواد آتےدوئی کرو۔
اونا پاننگ ئس کہ نن دا ہیت ءِ یخینی جوڑ کینہ کہ بلوچستان و اونا الس دا سواد آتے زوت خنو۔ بروک آ سال نا اول آن بیرک جانجوڑی،خواننگ، تربیت، خوراک و کُننگ کن ساف دیر ئنا تننگ ءِ اہمیت ترو بیرک گولڈ چاگڑدی دیمروئی نا کہی کاریم تا بناء ءِ کرو۔ نن اومیتکینہ کہ دا منصوبہ تیٹ ننا سرمایہ کاری نا فزیبلٹی و تعمیراتی دور نا وخت سرمایہ کاری 70 ملین ڈالر اسکان مرو۔ داڑان بیدسریکوڈک تجارتی پیداوار نا بناء مننگ اسکان بلوچستان نا حکومت ءِ 50 ملین ڈالر نا ایڈوانس رائلٹی ہم تننگو۔
او پارے کہ تعمیر نا دا منصوبہ آن 7,500 بندغ ءِ پوریا تننگ نا اومیت ارے و اسہ وار پیداوار نا بناء مننگ آن گڈ 4,000 بندغ کن پوریاودی مرو۔ دا بیرک کارپوریشن ہندی بندغ و ملک ئنا شاری تا پوریا ءِ اہمیت ترو۔
برسٹو پارے کہ بیرک تون مالو آن صنعت ئنا جوانو مِس نا مڈی ساڑی ارے و ریکوڈک نا ودکی آن اودے جہانی معیار نا لیگ ئٹ خیسن ناپورٹ فولیو ٹی گیشتر دیمروئی رسینگو ہراڑان کمپنی ءِ جہان نا کل آن نہادی خیسن و #تانبہ نا کان کنی پوریا نا کنڈ آ گام ارفنگ ئٹکمک رسینگو۔