تدوکا نن پاکستانی لشکر کیچ آن اِرا چنک سن خوانندہ ءِ دزگیر کننگ آن گڈ نادرست جاگہ آ درینے۔ بیگواہ مروک آتا چاہنداری فرسٹایئر نا خوانندہ بدیر حبیب و دہمی جماعت نا خوانندہ طارق بشیر نا پن تیٹ مسنے۔
پن کروک ورنا تے تدوکا نن پاکستانی لشکر کیچ نا علاقہ عمری کہن آن دزگیر کرینے ہرا داسکان بیگواہ ءُ۔
ہندی بندغ آک و ورنا تا خاہوت آک اینو سہب آن بنجائی سڑک ءِ برانز ئٹ بند کرینو۔ برانزی تا خواست ءِ کہ ورنا تے یلہ کننگے و اگہاوفتیا دوبہ ئس ارے گڑا قانود نا رد ئٹ اوفتے دزگیر کریسہ عدالت ئٹ ہتنگے۔
یاتی مرے کہ برجاء دے تیٹ چنک سن آ ورنا تا زوراکی نا بیگواہی تیٹ ودکی مسنے، برجاء ہفتہ ٹی بلوچستان و کراچی آن پاکستانیلشکر نا دو آن چار ورنا نا زوراکی ئٹ بیگواہی نا تدینیک رپورٹ مسنو۔
خضدار آن چانڑدہ سن ئنا ورنا ئسے پاکستانی لشکر پُر انگا بازار آن دزگیر کرے ہرادے اسہ دے ئس بیگواہ کننگ آن گڈ یلہ کننگا، اندنتدوکا دے کراچی آن چانڑدہ سال نا عابد ہند آواران ہرا بِک آتا ناجوڑ ئسے، دزگیر کننگا ہرا داسکان بیگواہ ءِ و داسا کیچ آن اِرا ورنا ءِزوراکی ئٹ بیگواہ کننگانے۔