بلوچستان نا ضلع کیچ ئنا بنجائی شار تربت تون اوار ایب کیب ئٹ ڈینگی وائرس بیم تروک دروشم ہلکنے۔ تدوکا منَہ ہفتہ ٹی داسکانپنچ بندغ بیران مننگ نا حوال رسینگانے۔
تدوکا دے ڈنک مسن تا اسکول نا ہیڈ مسٹریس نا ڈینگی وائرس آن کزیت کننگ آن گڈ اسہ پین حوال ئسے نا رد ئٹ ضلع کیچ ئٹ ڈینگیوائرس آن کہوک آتا کچ 5 مسنے۔ ہرافتیٹ اسہ ہفتہ اس مُست کوشقلات تا ورنا اس ہم اوار ءِ ہرا ڈینگی آن کزیت کریسس۔
ہندی مخلوق نا رد ئٹ دشت کنچتی ٹی مُسہ چنا کسکنو ہرافتے ڈینگی وائرس نا ناجوڑی مسس۔
ضلع کیچ و خاص وڑ ئٹ تربت ئٹی ڈینگی وائرس ترندی ئٹ تالان مننگ ءِ، ہندی اسپتال آتیٹ ڈینگی نا درزن آ کیس آک ریکارڈ مسنو۔
انجمن تاجران نا مسکوہی صدر حاجی کریم بخش ڈینگی وائرس نا ترندی ئٹ تالان مننگ ءِ توننگ کن محکمہ جانجوڑی نا کارکردگی ءِنزور پاریسہ دمدستی گام ارفنگ نا خواست کرینے۔
حوال تا رد ئٹ تربت ئٹی ڈینگی وائرس ءِ توننگ کن محکمہ جانجوڑی تون گچینو بست و بند اف و نئے اسپتال آتیٹ دا دین تون مون تننگکن منصوبہ بندی یا آسراتی تننگانے۔
یاتی مرے کہ صوبائی وزیر صحت نا تعلقداری تربت آن ءِ ولے داڑان بیدس اسپتال آتیٹ جانجوڑی آسراتی اف۔ نئے کہ وزیر جانجوڑینا کنڈ آن ڈینگی وائرس ءِ توننگ کن ایمرجنسی بنداو آ گامگیج کننگانے۔