بلوچ لبریشن آرمی نا ترجمان جیئند بلوچ میڈیا ٹی شینک کروک بیان اسیٹ پارے کہ ننا سرمچار آک تربت و پنجگور ئٹ اِرا جلہو تیٹکوزہ گیر پاکستانی لشکر و ڈھکوک ادارہ تا اِرا کارندہ ءِ مرگ ئنا گواچی کریر۔
ترجمان پارے کہ بی ایل اے نا سرمچار آک استو کیچ ئنا بنجاہی شار تربت ئٹ نیشنل بینک چوک آ سم کاری کریسہ سندھ ئنا ہندیمحمد آفتاب ءِ مرگ ئنا گواچی کریر۔
“پن کروک بندغ آ بی ایل اے نا سرمچار آک نظر تخاسر، او دروشم بدل کریسہ کوزہ گیر پاکستانی لشکر نا کمک کننگ ئٹ اوار ئس۔”
او پارے کہ تربت شار و ایب کیب ئٹ کوزہ گیر لشکر بھلو کچ اسیٹ بیدس ہندی بندغ تے ہتیسہ اوفتیان مخبری نا کاریم ہلنگ ءِ، پنکروک بندغ آک دروشم بدل کریسہ جتا ہند آتیا دژمن نا پاننگ آ کاریم کننگ ءُ ہرافتے نن خبڑدار کینہ کہ او کوزہ گیر پاکستانی لشکر ناپاننگ آ کروک دا کاریم تے یلہ کیر نہ گڑا تینا جانی و مالی نسخان تا تینٹ ذمہ وار مرور۔
جیئند بلوچ پارے کہ اسہ پین کارروائی ئسے ٹی بی ایل اے نا سرمچار آک پنجگور نا علاقہ گوارگو ئٹ سہتکنر نا ہند آ بہرام نا مار نزیراحمد ہند سبزاب ءِ سم کاری کریسہ مرگ ئنا گواچی کریر۔
اونا پاننگ ئس کہ نزیر ءِ بھلو وخت ئسے آن بی ایل اے پٹاکہ، پن کروک بندغ فوجی آپریشن تیٹ دژمن لشکر نا کمک کننگ ئٹ اوار ئس ودژمن نا پاننگ آ علاقائی بندغ تے جتا وڑ تیٹ خُلیفیکہ اندن دانا بدل ئٹ دژمن لشکر پن کروک بندغ ءِ سی پیک روٹ آ گاڑی تیان بھتہہلنگ نا موکل تسوسس۔
او پارے کہ راجی غداری نا ڈوہدار مننگ آ درو بی ایل اے نا سرمچار آک دا بندغ ءِ مرگ ئنا گواچی کریر۔
ترجمان پارے کہ بلوچ لبریشن آرمی پن کروک ہڑتوما جلہو تا ذمہ واری ءِ ارفک۔ آزات ڈغار نا دوئی کننگ اسکان کوزہ گیر پاکستانیلشکر و اوڑتون ہمکوپئی کروک آتیا ننا جلہوک برجاء مرور۔