بلوچستان نا ضلع قلات و کیچ ئنا علاقہ زامران ئٹ نادرست سلہہ بند بندغ آک مڈی دروک گاڑی و پاکستانی لشکر نا چوکی تے جلہوتیٹ ٹِک کرینو۔
حوال تا رد ئٹ قلات نا علاقہ خزینئی ٹی نادرست سلہہ بند بندغ آک خل دروک ٹرک ءِ جلہو ئٹ ٹک کریر۔
ذرائع تا پاننگ ءِ کہ جلہو ئٹ گاڑی ءِ نسخان ارفوئی تمانے اندن جلہو کار آک نرّنگ ئٹ سرسہب مسونو، واہم دا بارو ئٹ کوالخواہ تا ہیتدائسکان مونا بتنے۔
اندن پن کروک جلہو نا ذمہ واری ءِ بلوچ آجوئی دوست سلہہ بند تنظیم بلوچ لبریشن آرمی ارفے۔
بلوچ لبریشن آرمی نا ترجمان جیئند بلوچ میڈیا ٹی شینک کروک اسہ بیان اسیٹ پارے کہ ننا سرمچار آک درے ننکان قلات ئٹ خزینئی ناہند آ مڈی دروک ٹریلر لاری ءِ سلہہ بند جلہو ئٹ ٹک کریر۔ سرمچار آک لاری نا ٹائر تے سم کاری کریسہ بھس کریر۔
ایلو پارہ غا بلوچ آجوئی دوست سلہہ بند تنظیم بلوچستان لبریشن فرنٹ نا ترجمان میجر گہرام بلوچ میڈیا ٹی بیان اس شینک کریسہپارینے کہ بی ایل ایف نا سرمچار آک سینزدہ اپریل نا بیگہ شش بجہ غا کیچ نا علاقہ زامران ئٹ زامری کور ئٹ ٹہیفوک پاکستانیلشکر نا چوکی آ اسنائپر راکٹ و بھلا سلہہ تیٹ جلہو کریر۔ اسنائپر ئٹ چوکی نا رکھ آ سلوک کارندہ تے مرگ ئنا گواچی کننگ آن گڈسرمچار آک چوکی ءِ بھلا سلہہ تیٹ ٹک کریر و اے ون نا گولہ خلکر۔ جلہو ئٹ کوزہ گیر لشکر ءِ بھلو جانی و مالی نسخان ارفوئی تما۔
او پارے کہ بی ایل ایف دا جلہو نا ذمہ واری ءِ ارفک۔ بلوچستان نا آجوئی اسکان کوزہ گیر لشکر آ جلہوک برجاء مرور۔