بلوچستان نا صنعتی شار حب ئٹ اینو اسہ ترند تراک اسیٹ گیس پائپ لائن بھس مس۔
شابیتی حوال تا رد ئٹ حب ئنا علاقہ نظر چورنگی آن خڑک گیس پائپ لائن تراک ئٹ بھس مس ہرانا سوب حب ئنا کہی کمپنی و کارخانہتیا گیس ئنا ہننگ بند مس۔
تراک نا سوب اِرا بندغ ہم ٹپی مسونو اندن فورسز آک تراک آن گڈ علاقہ ءِ گھیرہ کریسہ ہن و بر ءِ بند و پٹنگ ءِ بناء کرینو۔
جلہو نا ذمہ واری ءِ بلوچ آجوئی دوست سلہہ بند گل بلوچ لبریشن آرمی ارفینے۔
بلوچ لبریشن آرمی نا ترجمان جیئند بلوچ میڈیا ٹی شینک کروک بیان اسیٹ پارے کہ بی ایل اے نا سرمچار آک اینو حب شار ئنا صنعتیعلاقہ نظر چورنگی آن خڑک 12 انچ قطر نا گیس پائپ لائن ءِ تراکی مواد تخیسہ بھس کریر۔
جیئند بلوچ پارے کہ نن درشان کرینن کہ بلوچستان ئٹ ہچو لُٹ و پل پراجیکٹ ئسے نا موکل تننگپرو۔ دا لٹ و پل کمپنی تیا بروک وخت ئٹننا جلہوک پین ترند مرور۔
ترجمان تینا بیان نا ایسر ئٹ پارے کہ بلوچ لبریشن آرمی دا جلہو نا ذمہ واری ءِ ارفک۔ ننا کاروائیک آزات بلوچ وطن نا دوئی کننگاسکان برجاء مرور۔