بلوچستان نا ضلع بارکھان ٹی ہن ندی نا ہند آ اسہ تراک اسیٹ ارا بندغ مرگ نا گواچی مسر اندن بُلیدہ ٹی مروک آ تراک ئٹ ارا بندغ ٹپی مسونو ۔
دوشمبے نا سہب لیویز کارندہ غال پک کریسہ پاریر کہ بارکھان ٹی اسہ تراک ئس مس۔ ہن ندی نا خڑک آ مروک تراک ٹی 2 بندغ کسکر ۔
ریسکیو کوالخواک زیمی مروک آتے اسپتال آ دریر، اندن پولیس و سیکورٹی ٹولی علاقہ ءِ گھیرہ کریر ۔
ایلو پارہ غان ضلع کیچ آن حوال آکو کہ بُلیدہ کوشک ٹی بمب ترخنگ آن ارا بندغ ٹپی مسونو ۔
تربت پولیس نا ردئٹ بلیدہ نا علاقہ کوشک ٹی بمب نا ترخنگ آن ارا بندغ ٹپی مسونو ہرافتا چاہنداری حلیم ولد کریم جان و طارق ولد یار محمد ساکنان کوشک بُلیدہ آن کننگانے ۔
ٹپی مروک آتے علاج کننگ کن اسپتال آ دننگانے ہراڑے اسہ بندغ ئس زیات ٹپی حالیت ٹی علاج مننگ ءِ اندن ارٹمی نا حالیت زرس جْوان ءِ ۔