بلوچستان نا ضلع مستونگ ئٹ سلہہ بند بندغ آک یوفون کمپنی نا اسہ ٹاور ئسے بھس کریر۔
حوال آتا رد ئٹ نا درست بندغ آک مستونگ نا علاقہ کابو ٹی یوفون کمپنی نا ٹاور ءِ سم کاری آن گڈ خاخر تریسہ بے کار کریر۔
ہندی حوالکار تا رد ئٹ جلہو آن گڈ کمپنی نا سروس بند مسنے۔
یاتی مرے کہ زوت منہ وخت ئٹ تیوہ بلوچستان ٹی احوالکاری کمپنی تا ٹاور تا جلہو تیٹی گیشتری خننگ ئٹ بسونے، ہرافتا ذمہ واری تے گیشتر بلوچ آجوئی دوست سلہہ بند تنظیم آک ارفیسہ بسنو۔
آجوئی دوست آتا پاننگ ءِ کہ احوالکاری کمپنیک فورسز کن کمک کاری وڑ ئٹ کاریم کریسہ بلوچ سرمچار آتا مخبری ٹی کمک کیرہ۔