امریکی اخبار ”وال اسٹریٹ جرنل“ رپورٹ کرینے کہ چین تینا بنجائی حکومتی ایجنسی تا آفیشل آتے پنت تسنے کہ او ایپل نا آئی فون یا پین پیشن ملکی برینڈ آتا ڈیوائس آتے دفتر آ ہترنگ یا کاریم تا سر تننگ کن کارمرز کپس۔
اخبار دا معاملہ ٹی تفوک بندغ آتا حوالہ تریسہ رپورٹ کرینے کہ دا پنت آتے برجاء ہفتہ ٹی بڑزکو کوالخواک تینا اسٹاف ءِ تسنو۔ ولے دا پاش اف کہ دا پنت آک ارا حد اسکان تننگانو۔
دا رکھ خلنگ اندنو وخت اسیٹ مونا بسنے ہراتم بروکا ہفتہ ٹی ایپل نا اسہ ایونٹ ئس مننگ ءِ۔
” ایپل “ نا تینا پروڈکشن چین آن پیشن دننگ نا ڈٹ دا بابت آ نوشتکار آک ایپل و چین نا اسٹیٹ کونسل انفارمیشن آفس آن ہیت کرے ولے او ہچو ورندی ئس تتو۔
چین ئے اسہ دہائی آن زیات وخت مریک کہ پیشن ملکی ٹیکنالوجی تیا انحصار ءِ کم کننگ نا کوشست کننگ ءِ۔
ایلو کنڈ آن امریکہ و چین ئنا نیام ئٹ چک و تاڑ زیات ءِ انتئے کہ واشنگٹن تینا چِپ صنعت ءِ مسابقتی تخنگ کن الّمی آلہ تسکان چین ئنا رسائی ءِ توننگ کن تیوتی تتون اوار کاریم کننگ ءِ۔ بیجنگ پنی آ امریکی کمپنی، طیارہ ساز کمپنی بوئنگ تون اوار چپ کمپنی مائیکرون ٹیکنالوجی آن شپمینٹ محدود کرینے۔
چین ئنا دا رکھ آک امریکہ نا ہمو رکھ آتا عکاسی ءِ کیرہ ہرا چینی سمارٹ فون کمپنی ہواوے ٹیکنالوجیز و شارٹ ویڈیو پلیٹ فارم ٹک ٹاک آ خلنگاسس۔