بلوچستان نا دریابی شار ئٹ اینو سہب ئنا پاکستانی نیوی ءِ بمب جلہو ئٹ ٹک کننگا، پن کروک جلہو نا ذمہ واری ءِ بی ایل اے ارفے۔
گوادر ئٹ جی ٹی گیٹ آ ٹہیفوک پاکستانی نیوی نا چیک پوسٹ ءِ نادرست بندغ آک اینو سہب سہار تون چغلی بمب جلہو ئٹ ٹک کریر و نرار۔
ہندی احوالکار تا ردئٹ تراک نا توار مُر اسکان بِننگا، اندن تراک نا سوب آن نیوی کارندہ تا جانی نسخان تا حوال آک رسینگار۔ واہم کوالخواک دائسکان دا بابت ہچو معلومداری اس تتنو۔
پن کروک جلہو نا ذمہ واری ءِ بلوچ لبریشن آرمی نا ترجمان جیئند بلوچ ارفیسہ پارے کہ ننا سرمچار آک گوادر ئٹ اینو سہب ئنا کم و ود 5 بجہ 30 منٹ آ جی ٹی گیٹ ئنا مونا کوزہ گیر پاکستانی نیوی نا اسہ چیک پوسٹ ئسے چغلی بمب جلہو ئٹ ٹک کریر، تراک نا سوب دژمن کارندہ تے جانی نسخان ارفوئی تما۔
ترجمان پارے کہ بلوچ لبریشن آرمی دا جلہو نا ذمہ واری ءِ ارفک۔ آزات وطن نا دوئی کننگ اسکان ننا کاروائیک برجاء مرور۔