بلوچستان نا علاقہ ڈیرہ بگٹی آن پاکستانی فورسز کارندہ آک پین چار بندغ ءِ دریسہ بیگواہ کریر ۔
بیگواہ مروک آتا چاہنداری یعقوب ولد شاہ مور بگٹی ، کریم و مصطفیٰ ولد غلام رسول بگٹی و بجار ولد حاجی سبزل بگٹی نا پن آن مسونے ۔
پن کروک بندغ آک تدوکا نن سوئی نا جتاء علاقہ آتیان بیگواہ کننگار ۔
یات مرے کہ تدوکا مسہ دے آن ڈیرہ بگٹی ٹی بھلو کچ ئسیٹ لشکری آپریشن برجاء ءِ ، آپریشن نا وخت فورسز کارندہ آک دائسکان منہ بندغ ءِ دزگیر کرینو ۔