بلوچستان نا بنجائی شار کوئٹہ ٹی نا درست بندغ آک پولیس نا گاڑی ءِ جلہو ئٹ ٹک کریر ۔
پولیس نا پاننگ ئس کہ کوئٹہ نا ایک کیب علاقہ کچلاک ٹی گشت آ مروک پولیس نا گاڑی آ سلہہ بند بندغ آک سم کاری کریر و چغلی بمب ئٹ جلہو کننگا ۔
پولیس نا ردئٹ جلہو کروک آتا سم کاری آن پولیس کارندہ ٹپی مس ہرادے سول ہسپتال آ دننگا ۔
تدینی نا حوال دوئی کننگ تون پولیس و امداد ٹولیک ہند آ رسینگار پولیس نا پارہ غان تدینی نا پٹ و پول مننگ ءِ ۔
جلہو نا ذمہ واری تحریک طالبان پاکستان ارفے ۔
ترجمان محمد خراسانی بیان شینک کریسہ پارے کہ استو بلوچستان نا بنجائی شار کوئٹہ ٹی سملی روڈ آ تحریک طالبان پاکستان نا مجاہدین پولیس نا گاڑی آ چغلی بمب کرے و پدا پستول ئٹ سم کاری کریر ہراٹی اسہ کارندہ ئس مرگ ئنا گواچی و ارٹ ٹپی مسونو ۔