بلوچستان نا بنجائی شار کوئٹہ ٹی کمانچر بلوچ نا عکس آتا مون پاشی نا اولیکو دے ایسر مس۔
عکس آتا مون پاشی بولان میڈیکل کالج ئٹی “بلوچستان اِن فریمز” نا پن ئٹ اڈ تننگا۔
مون پاشی ٹی بھلو کچ ئسیٹی خوانندہ آتون اوار جتا فکری تپہ آتون تعلقداری تخوکا بندغ آک و کوئٹہ نا لس مخلوق اوار مسر، ہراٹیکمانچر بلوچ نا کیہی سال ئنا مُچ کروکو عکس تخوک اس۔
مون پاشی ٹی ڈاکٹر ماہرنگ ہم اوار مسس و چاگڑدی حوالکاری میڈیا غا تینا عکس آتے شنگ کرسا پارے کہ کمانچر بھاز لائخو آرٹسٹاسے ہرا بھاز زیبداری ئٹ تینا کاریم ئٹ بلوچستان نا عکس ءِ مونا ہتیک۔
او پارے کہ کمانچر تینا عکس آتیٹی بلوچستان نا زیبائی و مخلوق نا گواچن آ زند ئے بند کیک۔
یاتی مرے کہ کمانچر بلوچ نا عکس آتا مون پاشی پگہ ہم کوئٹہ ٹی بولان میڈیکل کالج ئٹی مرو۔