بلوچستان نا ضلع خضدار نا علاقہ وڈھ ئٹ درو جھڑپ نا وخت آ رحمت رخشانی مرگ ئنا گواچی مس۔
پن کروک بندغ خضدار نا علاقہ نال نا ہندی ئسے۔ ہندی احوالکار تا رد ئٹ پن کروک بندغ نا تعلقداری پاکستانی لشکر و ڈھکوک ادارہ تا مخ تف سلہہ بند ڈیتھ اسکواڈ آن ئس۔
رحمت رخشانی نا باروٹ ہندی بندغ آک دعویٰ کننگ ءُ کہ او خضدار و دامون ایمون نا علاقہ تیٹ راج دوست سیاسی باسک آتا برمتہ، زوراکی ئٹ بے گواہ و ٹارگٹ کلنگ آن بندس زر ئکن برمتہ، بھتہ خوری، دزی و داڑیلی ٹی ام ڈوہ دار ئس۔
حوال آتا رد ئٹ اینو وڈھ ئٹ مروکا جھڑپ تیٹ رحمت رخشانی تون اوار ڈیتھ اسکواڈ نا کہیی کارندہ غاک مرگ ئنا گواچی مسنو،واہم ایلو بندغ تا چاہنداری دائسکان متنے۔